Xi, nakatakadang bumisita sa Saudi Arabia

Nakatakdang bumisita sa Saudi Arabia si Chinese President Xi Jinping sa  huling bahagi ng linggong ito para sa isang state visit sa gitna ng mataas na tensyon sa pagitan ng Estados Unidos at ng dalawang bansa.

Ayon sa Saudi Press Agency , kabilang sa dadaluhan ni Xi sa Riyadh ang “Saudi-Chinese summit,” isang summit ng China-Arab at isang summit ng China-GCC para pag-usapan ang development cooperation ng dalawang bansa.

Kasunod ng anunsyo, inilathala ng SPA ang isang “historical account” ng Saudi-Chinese relations na binabanggit  ang malapit na ugnayan ng dalawang estado sa loob ng walong dekada.

Ang mga balita patungkol sa Chinese presidential visit sa pinakamalaking kaalyado ng US sa Gitnang Silangan ay ilang buwan nang kumalat ngunit walang naging anunsyo ang Beijing tungkol sa biyahe ni Xi.

Nang tanungin tungkol dito sa isang regular Foreign Ministry briefing , sinabi ng tagapagsalita na si Mao Ning na walang siyang anumang impormasyong ibabahagi sa media.//CA

Leave a Reply

Your email address will not be published. Required fields are marked *