Yuhom Foundation igahatag sa syudad ang 40% sa income sa Masskara

Pormal na nga gin aprobahan sang Bacolod City Council ang kontrata sa tunga sang lokal nga panguluhan sang Bacolod nga paga permahan ni Bacolod City Mayor Alfredo Abelardo Benitez kag Masskara Yuhum Foundation Inc. ini ang ginpahayag ni Councilor Thaddy Sayson sa Brigada News. Suno kay Sayson, ang ginhimo sang konseho kagapon sa regular session September 29 amo ang ratification sang gin-aprohaban sang naka ligad nga sisyon tuhoy sa kontrata sang magtimbang nga bahin nga naga siling ang Yuhum Foundation ano ang maga padalagan, maga gasto kag magpangita sang mga sponsors sa Masskara Activities mga maga umpisa Oktobre 1 tubtub 23.

Dugang pa sini, wala sang kuwarta nga ipaguwa ang syudad padulong sa Yuhum bilang bulig sa gasto sini sa baylo ang Yuhum amo pa ang maga hatag sang 40% share sa syudad inkaso may mabilin ang kuwata sa ila kaban kon matapus ang Masskara. Paathag pa ni Sayson yara sa agreement nga ang Yuhum ang gina-required agud magsumiter sang ila financial liquidation sa syudad pagktapus sang bilog nga kahiwatan. Gin siling pa sang konsehal, ang gin gatohan gid lang sang syudad amo ang financial assistance sang 13 ka barangay nga nagpasakop sa Electric Masskara nga tag 150,000 ang kada isa kag ang tag 200,000 sang 17 ka barangay nga nagpasakop sa Street and Arena Dance Competitions.