Maaari nang makapag-negosyo ang magsasaka at mangingisda sa pamamagitan ng Kadiwa Financial Assistance Program ng Department of Agriculture Regional Office 2.
Ang mga ma-aaprubahan ang aplikasyon ay makakatanggap ng P500,000 hanggang P1 million na puhunan o makakakuha rin sila ng sasakyang pang-negosyo na nagkakahalaga ng hanggang P1.8 million.
Sa nakuhang impormasyon ng 92.9 Brigada News FM Cauayan kay Argie Baquiran ng Agribusiness and Marketing Assistance Division o AMAD ng DA Regional Field Office 2, kinakailangan lamang na magbigay ng 20% counterpart sa halaga ng puhunan ang mga aplikante at ang natitirang 80% ay ipagkakaloob na ng pamahalaan sa kanila.
Sa ngayon, umabot na sa 14 na aplikasyon ang naaprubahan na nagkakahalaga ng kabuuang P21 million kung saan kabilang dito ang ng siyam na Farmers Cooperative at apat na Local Government Unit.