CAMARINES SUR- Nakatanggap ng 25 kilos ng bigas ang nasa 2,000 mga residente ng Camarines Sur sa nagdaang Launching ng Bagong Pilipinas Serbisyo Fair sa University of Saint Anthony (USANT) Forum Building , Iriga City nitong Sabado Sept. 23, 2023.
Natulungan ng ₱2.5- milyon na halaga ng bigas ang indigent families at indigenous people. Pinagbasehan ang listahan ng Pantawid Pamilyang Pilipino Program (4Ps).
Nabanggit naman ni 5th District Representative Migz Villafuerte ang nagpapatuloy na konstruksyon ng post-processing facility sa Casugad, Bula. Magsisilbi itong bagsakan center kung saan ibebenta ng mga magsasaka ang ani sa competitive price.
Ayon sa Pangulo maayos ang produksyon ng bigas pero kailangan pang ayusin ang sistema sa research and development, sa pagtatanim hanggang sa marketing.
Kasama rin ng hepe ehikutibo si Department of Labor and Employment (DOLE) Sec. Bienvenido Laguesma, Department of Trade and Industry (DTI) Sec. Alfredo E. Pascual, Department of Interior and Local Government (DILG) Sec. Benjamin Abalos Jr. at Department of Transportation (DOTr) Sec. Jaime Bautista at Commission on Higher Education (CHED) Chairman Popoy de Vera III.