Kinumpirma ng Police Regional Office 2 na mas mababa ngayong taon ang naitalang mga indibdwal na lumabag sa Comelec gun ban na nagtapos kahapon, November 30, 2023.
Ayon sa datos ng Police Regional Office 2, mayroong pagbaba na 33% ang naitalang gun ban violators ngayong taon o katumbas ito ng 54 violations na binubuo ng 66 na katao.
Matatandaang noong nakaraang taon sa National and Local Elections 2022. ay naitala ang 81 gun ban violations kung saan binubuo ito ng 97 na katao.
Bumaba rin ang nakumpiskang mga baril mula sa 78 hanggang sa 34 na lamang ngayong taon.
Bukod dito, wala ring naitalang Election related incident ayon sa Regional Election Monitoring Action Center.
Naging maayos rin at payapa ang implementasyon ng mga checkpoints at maximum deployment ng mga miyembro ng PNP.