Nakatakdang sirain ng mga awtoridad ngayong araw, January 5, ang nasa P80,807 na halaga ng mga iligal na paputok na kanilang nakumpiska sa Lambak ng Cagayan sa naging pagsalubong sa bagong taon.
Sa nakuhang impormasyon ng Brigada News Team, aabot sa 14,672 na mga iligal na paputok ang nakumpiska ng Police Regional Office (PRO2) at Bureau of Fire Protection (BFP) R02 mula December 27, 2023 hanggang January 4, 2024.
Ilan nga sa mga paputok na kanilang nakuha ay ang giant bawang, kwitis, boga, five star, at giant whistle bomb na ipinagbabawal na ibenta sa merkado.
Ang mga paputok na sinira ngayong araw ay ang ikalawang batch na nakumpiska ng mga awtoridad.