Wala pang naitatalang kaso ng walking pneumonia sa lalawigan ng Isabela subalit hindi nawawala sa top 3 ang regular pneumonia sa listahan ng mga cases ng morbidity at confinement sa mga opsital.
Sa ekslusibong panayam ng 92.9 Brigada News FM Cauayan kay Ginang Chamille Claravall ng Isabela Provincial Health Office (IPHO), Marami aniyang mga sakit ang nakukuha sa ubo at mga droplets kaya panatilihin ang ibayong pag-iingat.
Kaugnay nito, hinihikayat naman niya ang publiko na magpa-bakuha kontra pneumonia sapagkat kasama ito sa mga preventable diseases.
Maaaring mag-avail ng vaccine sa mga Rural Health Units (RHU) sa bawat barangay kung saan prayoridad dito ang mga Senior Citizen.
Aniya, mga bata ang prone o at risk na mahawaan ng mga gantong sakit kaya nararapat lang na mabigyan sila ng mga bakuna.
Wala namang bayad ang naturang vaccine.
Samantala, inabisuhan naman ng IPHO ang publiko na proteksiyonan ang mga sarili at mga kasama sa bahay sa pamamagitan ng pagsusuot ng facemask.