Bumalik na sa kani-kanilang mga tahanan ang 431 na pamilya sa probinsya ng Cagayan na inilikas dahil sa sa epekto ng bagyong Betty.
Sa nakuhang impormasyon ng 92.9 Brigada News FM Cauayan, batay sa ulat ng Provincial Disaster Risk Reduction and Management Office ay aabot sa 1,372 na indibidwal ang ligtas na nakabalik na sa kanilang mga bahay.
Mula sa nasabing bilang, 177 ang mula sa Calayan Island, 128 sa Sta. Ana, 104 sa Gonzaga, 16 sa Gattaran at anim sa Sta.
Teresita. Tiniyak naman ng PDRRMO Cagayan na walang mga naitalang nasaktan dahil sa bagyo kung saan maging ang mga responders ay bumalik na sa kanilang mga lugar.
Sa ngayon, naka-standby pa rin ang mga rescuers at equipment habang minomonitor ang sitwasyon sa probinsya.