Nakatanggap ang mga Persons with Disabilities sa Maddela, Quirino ng tulong mula sa DSWD Field Office 2 sa ilalim ng programang Community Action and Resources for Accessible and Better Living Environment (CARe-ABLE).
Nagsagawa rin ang naturang ahensiya ng orientation at pay-out patungkol sa nasabing programa.
Sa nakuhang impormasyon ng Brigada News FM Cauayan, sinabi ni Ginalyn Bonares, ina ng isa sa mga benepisyaryo ng programa na sana magtuloy-tuloy ang CARe-ABLE upang mas marami pa silang matulungan.
Ang CARe-ABLE program ay isang inisyatiba ng DSWD na magbibigay ng tulong sa mga PWDs mula sa gobyerno.
Ngayong taon, nakikipag-ugnayan na ang lokal na pamahalaan ng Maddela sa ahensiya para sa implementasyon ng programa sa naturang bayan.