Personal na binisita ni Sen. Imee Marcos katuwang ang Department of Social Welfare and Development (DSWD) ang Isabela State University (ISU) Echague Campus upang mamahagi ng tulong pinansiyal para sa mga kwalipikadong estudyante kahapon, ika-5 ng Nobyembre.
Aabot sa 2,000 na mga estudyante sa buong ISU-System ang nabigyan ng assistance na nagkakahalaga ng P5,000 mula sa iba’t ibang programa ng DSWD.
Bukod sa financial assistance sa mga estudyante ay nagbigay din ang senadora ng sampung (10) set ng desktop computer para sa ISU-Echague na naglalayong mas mapabuti pa ang serbisyo ng naturang campus para sa mga mag-aaral.
Kaugnay nito, dumalo rin sa naturang payout sina Isabela Province Governor Rodito Albano III, at Vice Governor Faustino “Bojie” Dy.