Maayos na nagtapos ang anim na araw na pagsusumite ng Certificate of Candidacy sa Cauayan City ng mga kandidato ng Barangay and Sangguniang Kabataan Elections.
Ito ang naging pahayag ni Cauayan City Election Officer Atty. Christopher Thiam sa naging panayam ng Brigada News Team.
Aniya, sa unang araw nagkaroon ng konting aberya sa pila dahil na rin ito sa pagdagsa ng mga gustong kumandidato.
Nagpasalamat din ang Election Officer sa hanay ng kapulisan sa kanilang partisipasyon at tulong sa COMELEC upang maging maayos ang proseso ng filing.
Sa kasalukuyan, wala pang opisyal na datos hinggil sa kabuuang bilang ng mga nagsumite ng kanilang COC sa lungsod ng Cauayan at patuloy pa rin ang isinasagawang page-encode ng COMELEC sa mga COC sa candidate profile system.