Tiniyak ng Municipal Veterinarian ng Alicia, Isabela na ligtas pa ring kumain ng mga ibinebentang karne ng baboy sa kabila ng pagkumpirma ng naitalang kaso ng African Swine Fever dito.
Sa ekslusibong panayam ng Brigada News FM Cauayan kay Veterinarian Vladimer Caloza, meron pa ring nagbebenta ng karne ng baboy dahil may available pang supply ng mga alagang baboy sa kanilang bayan.
Aniya, ligtas ang mga slaughterhouse rito dahil bago magpasok ng mga baboy na mula sa ibang bayan ay nagkakaroon pa ito ng anti-mortem inspection at dadaan pa sa 12-24 hours na observation bago katayin.
Monitored naman aniya ang presyuhan ng mga karne ng baboy sa palengke at regulated din ito.