Pagpapaigting sa mga checkpoint ang nakikitang solusyon ng Isabela Provincial Police Office (IPPO) para mabawasan ang mga aksidenteng kinasasangkutan ng mga motorista.
Sa naging panayam kay PLt. Leonardo Mamerga, ang Chief Pre-Charge Investigator ng IPPO ng Brigada News FM sa kaniyang pagbisita sa 88th episode ng UP-UP Cagayan Valley ng Tactical Operation Group 2.
Sinabi nito na sa pamamagitan ng mas pinaigting na checkpoint ay posibleng makatulong ito sa pagbaba ng mga vehicular accidents.
Maski aniya siya ay napansin ang pagtaas ng mga insidente na kinasasangkutan ng mga motorista.
Tiniyak naman nito na 24/7 ay mayroon silang itinatalagang mga tauhan para magbantay sa mga checkpoint areas.
Kaugnay nito, pinaalalahan naman niya ang bawat motorista na panatilihing mag-ingat sa pagmamaneho.