LEGAZPI CITY – Umaasa ang Philippine Health Insurance Corporation sa Bicol na ang 1.4-milyong aktibong miyembro sa rehiyon ay patuloy na masigasig na magbabayad ng kanilang kontribusyon habang itinataas ng ahensya ang rate mula sa kasalukuyang 3.5 porsiyento ng buwanang kita hanggang 4 na porsiyento simula Hunyo ngayong taon.
Ito ang inihayag ni Henry Almanon, PhilHealth-Bicol Regional Vice President sa ginawang press briefing kahapon.
Ayon kay Almanon, kailangan ang pagsasaayos ng premium upang matugunan ang mandato ng Universal Health Care (UHC) Law na mabigyan ang lahat ng Pilipino ng access sa mga de-kalidad na serbisyo sa pangangalagang pangkalusugan at isang komprehensibong hanay ng mga benepisyo.
Binigyan diin nito na kailangan na mapanatili ang habambuhay na coverage para sa mahihirap na pamilya, senior citizens, persons with disability (PWDs), at mga indibidwal na mababa ang kita nang hindi nagbabayad ng mga kontribusyon at tiyakin ang coverage ng mga kwalipikadong umaasa. Ang basic annual premium rate na PHP3,600 para sa mga boluntaryong miyembro ay tataas sa PHP4,800 simula sa Hunyo.
Ang mga direktang kontribyutor na ang kita ay mula PHP10,000 hanggang PHP80,000, ay magbabayad ng 4 na porsiyento ng kanilang buwanang kita.
Ang mga miyembro at employer na nakapagbayad na ng kanilang kontribusyon sa tatlong porsyento ay pinapayuhan na bumuo ng kaukulang statement ng premium account para sa mga binabayarang panahon para mabayaran nila ang isang porsyentong differential payments/remittance hanggang Disyembre 31, ngayong taon.
Sinabi pa ng opisyal, na tataas pa ang kontribusyon sa 4.5 percent sa 2023 at 5 percent sa 2024 at 2025.