Umabot sa 1, 830 do nalistang bilang it kaso it dengue sa Western Visyas umpisa Marso 17-23, 2024.
Sa ginpaguwa nga datos it Department of Health-6, ina sa 299 do bag’ong kaso it dengue kung siin mas mataas day sa 5% kung ikukumpara raya sa nalista ko nagtaliwan nga dag’on kung siin ina sa 1, 742 eamang.
Samtang nakalista man do DOH do pagtaas it Attack Rates it Dengue sa probinsya it Aklan, Antique, Capiz, Iloilo, Guimaras ag syudad it Iloilo.
Nananatili man do 3 do total number it dengue death count ag indi madugangan do dengue fatalities nga narecord hasta it March 23, 2024.//MERIAM LUMBRES AGDIPA