PATAY ang usa ka motorista human nalambigit sa gikaengong hit and run incident sa National highway, Purok 7-B, Barangay Tinacagan, GenSan. Ang insidente ang miresulta sa pagkamatay ni Jhonnel Jao alyas Jay-Ar, 23-anyos, Taga Tibungco, Davao City.
Saysay ni Mary Jane Lorenzo, misis ni Eugene Alicaya usa sa sakay sa motorsiklo gikan nagtagay ang mister ug si Jao sa ilang balay.
Butyag ni Police Capt. Marlon Ramirez, hepe sa Tinagacan Police Station, dili pa nila masuta karon kung hit and run incident o self-accident ang hinungdan sa pagkamatay Jao.
Ang motorsiklo ang gikan sa Barangay Tinagacan, gilatas nila ang lugar aron mopalit og sigarilyo sa katapad nga barangay nga mao ang katangawan.
Dugang ni Ramirez nga dako og tabang ugaling makakuha sila og kopya sa CCTV camera aron masuta kung unsa ang nahitabo bag-o ang insidente.
Dili pa usab masuta karon sa kapulisan kung si Alicaya nga samaron o ang namatay nga si Jao ang nagmaneho sa motorsiklo. I Richel Gubalani