USA ang dead on the spot sa nahitabong demolisyon sa Purok Mudia extension Labangal, Gensan, alas 2:30 sa hapon, Huwebes, Marso 24.
Ang namatay segun sa sport report sa General Santos City Police Office (GSCPO) giilang si Jasim Mudan Alip, 23-anyos, usa ka miyembro sa demolition ream, minyo, ug residente sa Purok Minanga, Buayan, GenSan nga naigo sa bala sa likod sa iyang ulo hinungdan sa iyang hinanaling kamatayun.
Ang demolition team gipangunahan nilang Ronilo Madihanon Taculod ug Col. Rimpos.
Mirespondi ang grupo sa kapulisan gikan sa Pendatun PNP ug Tinagacan, GSCPO, SWAT ug City Mobile Force Company sa report nga adunay nahitabong pagpamusil sa Purok Mudia Ext. Labangal.
Sa initial investigation nagbutyag nga ang demolition team sa pagpanguna ni Ronilo Madihanon Taculod kauban ang usa ka Colonel Rimpus, team leader sa security guards ug hired members sa demolition team.
Samtang anaa sa area sa luna nga gi-claim sa pamilya Mudia, usa ka unidentified suspect ang mipusil kanila sa wala pa masuta nga kalibre sa armas.
Usa ka miyembro sa demolition team nailhan kang Jasim Mudan Alip ang naigo sa bala ug gilayung namatay.
Kasamtangan naglusad pa og follow up operation sa area ang mga miyembro sa Task Force GenSan.