PATAY ang usa ka lalaki sa bangga sa Sarangani samtang kritikal usab ang usa pa sa pagsampok sa SUV ug armor car sa GenSan.
Dead on the spot ang usa ka Enatol Malik Sr. human misampok ang motorsiklo nga gimanehoan niini sa usa pa ka motor sa Lunes sa hapon sa national highway, Sitio Lahak, Barangay Tuanadatu, Maitum Sarangani Province.
Sa imbestigasyon, gikan sa managlahing direksyon si Malik Sr ug motor nga gimaneho ni Oliver Saraus ug pag-abot sa lugar nabangga ang mga sakyanan ug nag-overshoot pa ang motor ni Malik nga miresulta usab sa pagkasamaron sa duha ka angkas niini.
Sa GenSan, halos masinsilyo ang usa ka SUV human nasampok sa katagbo nga armor car alas-11 pasado sa Martes sa highway, Banualan, Barangay Tambler, GenSan.
Butyag ni Police Staff Master Sergeant (PSMS) Jesse John Flores, traffic investigator nga nawad-an og kontrol ang armar car nga gimaneho ni Jomar Alvaro nga miresulta sa pagkasamok sa SUV.
Ang drayber sa SUV nga si Mohammad Gandalawi, taga Maitum, Sarangani Province ang naa sa talandogong kahimtang. Samtang si Alvaro ang naka-kustodiya karon sa Traffic Enforcement Unit (TEU). I Richel Gubalani