Patay ang usa ka sakop sa rebeldeng New Peoples Army human sa engkwentro tali sa militar sa bukirang bahin sa So Minlanag, Brgy Lawaan, Gingoog City nunot sa gipahigayon nga military operations.
Muabot sa 20 minutos ang nahitabong engkwentro tali sa gibana-bana nga 20 ka mga miyembro sa rebeldeng grupo ug mga kasundaloan sa 58th Infantry Battalion Philippine Army.
Walay natala nga nakabsan sa kinabuhi sa bahin sa militar.
Gawas sa namatay nga NPA, dunay narekober nga duha ka M16 rifles, magazine sa M16 rifle ug mga ammunitions lakip mga subersibong dokumento ug personal nga kagamitan.
Subay niini, gibutyag ni 58th IB Commander Lieutenant Colonel Ricky Canatoy nga ang maong engkwentro resulta sa pagpaningkamot sa militar nga mapukan ang kalihukan sa komunistang grupo.
Una nang mipasalig ang militar nga i-turn-over nila ang patay’ng lawas sa rebelde ngadto sa iyang pamilya. -END-