NAAPIL kaugdaw sa nasunog nga balay ang usa ka 10-anyos nga bata sa Prk. Sun Flower, Brgy. Coronon, Sta. Cruz, Davao Del Sur alas 3:30 sa hapon kaganiha.
Sa report, niadto sa baybayon ang inahan nga si Mary Jane Wasquin Lim, 38-anyos 600 metros ang gilay-on sa ilang balay og nabiyaan sulod sa balay ang biktima nga si Alyas Lyca, usa ka mentally disabled.
Apan kalit niulbo ang kalayo busa gisulayan pa sa mga silingan nga luwason ang bata apan tungod sa paspas nga pagsilaob pakyas kini makuha.
Narespondihan sa Sta. Cruz BFP ang sunog ug narekober ang napaig nga lawas sa bata giatiman karon sa punirarya sa maong lungsod.
Wala pa masuta kung pila ang gibiling danyos sa sunog.