KORONADAL CITY — SAMPUNG miyembro ng rebeldeng New People’s Army o NPA na kinabibilangan ng mga guro ang boluntaryong sumuko sa gobyerno sa bayan ng Lebak sa Sultan Kudarat.
Sinabi ni Police Major Rodney Binoya, hepe ng Lebak PNP na aktibong miyembro ng Far South Mindanao Region (FSMR) Cherry Mobile Platoon ang mga sumukong rebelde.
Ayon kay Ka Goy, isa sa mga sumuko sa Barangay Tibpuan, Lebak, na wala na silang mapupuntahan dahil sa mga pangakong napako ng kanilang mga lider. Pagod na rin umano sila sa giyera laban sa gobyerno.
Kinumperma din ni Binoya na mga guro na impluwensiyado ng mga NPA sa mga bulubunduking bahagi ng lalawigan ang kabilang sa mga sumuko.
Agad namang nakatanggap ng financial assistance mula sa gobyerno ang mga sumuko sa ilalim ng End Local Communist Armed Conflict program bilang kapalit sa armas na bitbit ng mga ito sa kanilang pagsuko.
Sa ngayon, nananatili ang mga ito sa police station ng Lebak para sa debriefing.
Pumalo sa 53 degrees celsius ang heat index sa Iba, Zambales, kahapon. Ito ay nasa…
Magde-deploy ang National Capital Region Police Office (NCRPO) ng halos 8K nilang mga tauhan mamayang…
Arestado ang isang motorcycle taxi rider matapos magbenta ng hinihinalang shabu sa kanyang mga pasahero…
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…