NAGTAGILID na tunga sa dalan ang usa ka 10-wheeler truck human nga nibangga sa center island sa Km.75 National Highway, Poblacion Mawab, Davao de Oro pasado alas 12:00 kaganihang udto.
Sa report gikan sa Municipal Disaster Risk Reduction and Management Office, gikan sa lungsod sa Maragusan ang truck karga ang mga abaka apan pag-abot sa lugar nahitabuan nawad-an og kontrol ang drayber.
Aron dili makaangin og sibilyan gibangga sa drayber sa center island hinungdan nga nabalintong apan dunay usa ka pasakero sa motorsiklo ang nalagpotan og debris sa semento.
Hinoon luwas ra ang maong pasahero nga daling gidala sa mga sakop sa MDRRMO Mawab-Team R.U.P.E.T. sa Doctors Community Hospital aron dapatan og tambal.BNFM-DAVAO
