Senegal— Kalunos-lunos ang sinapit ng 11 mga bagong silang na sanggol matapos na masunog ang isang pagamutan sa bansang Senegal.
Batay sa ulat ng mga otoridad, hindi nailigtas ang 11 sanggol nang tupukin ng apoy ang neonatal department ng Mame Abdou Aziz Sy Dabakh Hospital sa Tivawan City sa nasabing bansa, Miyerkules ng gabi.
Lumalabas sa imbestigasyon na “electrical short circuit’ ang sanhi ng naturang sunog, kung saan batay sa ilang mga nakasaksi ng insidente, nahirapan umano silang isalba ang mga nasabing biktima dahil sa makapal na usok at power outage.
Sa kasalukuyan, nag deklara na ng ‘three days of mourning’ si Senegal President Macky Sall, habang nagpapatuloy rin ang malalimang imbestigasyon ng mga otoridad upang matukoy kung may kapabayaan ang nasabing pagamutan hinggil sa insidente.### JUMEL DELA ROSA, BNFM Bicol