KALIBO, AKLAN—Nakataeana nga magpatigayon it vaccination roll out do 11 nga mga banwa sa probinsya it Aklan umpisa Marso 3, 2021 para sa mga front liners.
Raya hay ginaeakipan it mga banwa it Numancia, Lezo, Malinao, Makato, Ibajay, Malay, Banga, Madalag, Libacao, Batan ag Altavas kung siin nagpatigayon eon it simulation activities do nasambit nga mga LGU’s para sa vaccination program at sa aktuwal nga deployment it COVID-19 vaccines.
Nasayuran nga kadugangang 10,100 nga Sinovac vaccines do ginbuoe it Provincial Government sa Department of Heath 6 para sa 5,050 frontliners.
Samtang, padayon man do pagpadumdom it PHO Aklan sa publiko nga ipadayon do pagsunod sa minimum health protocols bangud nga nagapadayon man gihapon do paeag it COVID-19.
Nasayuran nga nauna eon nga nagpatigayon it COVID-19 vaccination program ku buean it Abril do mga banwa it Tangalan, Kalibo, Balete, New Washington, Nabas ag Buruanga. // SHERRY ANNE REUNIR-VIDAL