KINATIBUK-ANG 137,037 indibidwal nga lakip sa priority group ang nakadawat na og bakuna kontra Covid-19 sa Soccsksargen.
Sa datus sa Department of Health (DOH) 12 gikan Marso hangtud Hunyo 01, 2021 naa sa 53,109 A1 o medical health care workers ang nakadawat sa unang dose sa bakuna.
Samtang naa sa 36,421 ka senior citizens ug naa sa 9,511 persons with comorbidities ang nakabakuna sa unang shot. Misaka na usab sa 26,687 ka medical health care workers ang nakakumpleto na sa duha ka dose sa bakuna.
Naa sa 11,301 ang nakadawat na sa ikaduhang senior citizens samtang walo ang nakakumpleto sa dose sa bakuna gikan sa persons with comorbidities.
Matud ni Arjhon Gangoso, tigpamaba sa DOH-12 makatabang ang dugang 9,600 vials sa Sinovac vaccine nga bag-ohay naabot alang sa nabiling mga indibidwal sa A1 hangtud A3 priority groups. Giangkon sa nasangpit nga sa maong datus, layo pa ang lantason sa rehiyon aron makab-ot ang ‘herd impunity’ o dakong ihap sa populasyon nga nabakunahan kontra virus. (Richel Gubalani)