“14 day no movement” sa Gensan, girekomenda

“We recommend a very strict implementations of the quarantine guidelines and possible a 14 day no movement in General Santos City.”

Kini ang pahayag ni Dr. Jovino Aqiuno, President sa Socsksargen Internist Society dihang gihinabi sa Brigada News FM-Gensan gumikan sa nagkataas nga kaso sa COVID-19 sa siyudad.

Kahibaluan nga puno na ang mga ospital sa dakbayan sukad Mayo 23, 2021 ug gawas niini, wala na usab available nga mga mechanical ventilator, high flow ug uban pa.

Usa usab sa problema sa mga ospital mao ang kakulangon sa staff ug nurses.

“We don’t have enough staffs, we don’t have nurses, nagre-resign sila, pagod na sila Sir!” pahayag ni Dr. Aquino.

Dugang ni Dr. Aquino, makahadlok matud pa ugaling mohagsa ang atong health system sa siyudad gumikan anaa na kita sa very critical stage gumikan sa makaalarma nga kaso sa COVID-19.

“Base sa datus kahapon at nung isang gabi, ang ating positivity rate is 29% that’s very very high because the threshold based on statistics is only 5%. Mas nakakatakot kung ico-compare mo sa Manila dahil sa Manila napaka raming hospital, dito sa ating siyudad we only have how many hospital kulang pa yung mga gamit,” dugang ni Dr. Aquino.

Sa karun, naghimo na sila og sulat nga ipadala ngadto sa mayor aron magrequest nga mag-abli og dugang isolation facilities alang sa mga asymptomatic or mild patients tungod nakita nila nga puno na usab ang mga isolation facilities sa mga Rural Health Unit ug daghan pa.

Pirme nilang pahimangno nga mosunod sa health protocols susama sa pagsul-ob og tarong sa facemask/faceshield, hugas pirme og kamot ug obserba sa social distancing aron malikayan nga mataptan ug dili na mosaka ang ihap sa positibo sa COVID-19.