TANGGAL na sa serbisyo ang 14 ka pulis sa Soccssksargen human nadesisyonan ang giatubang nga administrative charges. Sa datus sa Police Regional Office (PRO) 12 ang maong ihap sa na-dismissed sa serbisyo ang gikan Enero 2023 hangtud Pebrero 2024.
Ang 14 ang nag-atubang og kasong grave neglect of duty, butyag ni Police Major Riza Hernaez, spokesperson sa PRO-12. Matud ni Hernaez, sa kinatibuk-ang misaka sa 100 ka administrative case ang gidungog sa PRO-12 gikan sa maong mga panahon.
Asa gawas sa mga na-dismissed sa serbisyo, duna usa na-demote, nasuspenso ug napawalay sala. Ang maong lakang ang kabahin sa ‘internal’ cleansing nga gihimo sa batok sa mga badlongong pulis sa organisasyon. Dugang ni Hernaez, nagpakita lang kini nga ‘transparent’ ang kapulisan sa pagdungog sa mga gikalambigitang reklamo sa kapulisan. Giklaro sa opisyal nga wala naapel sa gidesisyon ang mga bag-ong kasong administratibo nga giatubang sa pipila ka pulis.
Partikular na ang pagkalambigit sa pipila ka pulis sa Sultan Kudarat sa pagpatay sa tulo ka batan-on, pagpatay sa usa pa ka pulis sa batan-ong mananagat ug pagkamatay sa usa ka dinakpan sa kamot sa tulo ka pulis sa GenSan. I Richel Gubalani