NAKAHILAK sa kalipay ang tulo sa 145 ka mga tawo nga natabangan sa KaBrigadahan GenSan pinaagi sa pag-amot amot sa ilang mga kaubanang miyembro.
Sa programa sa KaBrigadahan GenSan sa pagpanguna ni Brigada Elmer V.Catulpos, gipasalamatan niini ang mga miyembro nga walay puas nga gatabang ug gitawag nga mga tinuod nga bayani.
Alang kang Brigada Elmer, nga balaan ang motabang ug mabati ang tinuod nga kalipay pinaagi sa pagtabang.
Ang tulo nga nagpasalamat personal sa nadawat nga tabang mao silang Emelyn Campos, 33-anyos nga naospital ang amahan nga si Emelito Taburnal, 57-anyos tungod sa mild stroke.
Lakip nagpasalamat si Ranelyn Sugaron, 24-anyos nga usa sa biktima sa sunog sa Purok 4, New Mabuhay ug si Elizabeth Pajaron, community officer sa KaBrigadahan GenSan nga namatayan og apo nga 22 ka adlaw pa lamang tungod sa kumplikasyon.
Sa kinatibuk-an mokabat sa P415,000 ang natigom sa mga miyembro nga gibahin usab sa mga nanginahanglan.