Nagdangat sa 185 ka mga Noche Buena Items ang nagsaka ang presyo subong nga tuig kun ikumpara sadtong tuig 2022.
Ini ang ginkumpirma ni Ken Queenie Cuñada, DTI-Capiz Provincial Director sang ma-interview sang Brigada News FM Roxas City.
Suno kay Cuñada, halin sa 240 ka mga produkto, 185 ang nakitaan nila nga nagsaka ang presyo, 34 diri ang nagapabilin ang presyo samtang 21 naman diri ang nagnubo.
Ini ang suno naman sa kada semana nga monitoring sang Department of Trade and industry sa mga produkto sa mall kag merkado.
Lakip sa mga produkto nga nagtaas ang presyo amo ang ham, fruit cocktail, cheese, keso de bola, mayonnaise, all-purpose cream, sandwich spread, pasta/spaghetti, spaghetti sauce, elbow macaroni, tomato sauce, kag salad macaroni.
Ang price guide nga ginapatuman sang DTI ang asta gid lamang sa Disyembre 31, 2023. | Judy Ann Juare