Gipangdakop sa mga sakop sa Tagum Police Station ang 19 ka mga myembro sa Kingdom of Gospel usa ka relihiyosong grupo nga nagapangolekta og kwarta.
Subay sa report sa Tagum PNP, ginakolektahan og kwarta ang mga myembro sa KAPA Community International Ministry isip processing fee aron makuha sa mga nahisgutan ang ilang gidonar kaniadto.
Lakip gidakop ang tulo ka mga indibidwal nga nibabag pagdakop kung diin duha niini ang nakuhaan pa og armas nga walay lisensya.
Kalabot niini, giawhag ni PMaj Joselito Tan Jr. OIC sa Tagum PNP ang mga residente sa maong syudad nga mag-amping sa pakigtransaksyon sa susamang grupo ug dali nga makig-alayon sa otoridad kung dunay mamatikdang investment scam aron masugpo gilayon.
Mamahimo matud pa mopadala og sumbong sa ilang social media accounts:PNP Tagum PCR/Tagum City Police Station ug sa mga numerong 0926-717-1522 sa globe ug 0919-748-5024 sa smart users.