Nasakmit sa kapolisan ang gibana-banang 100 mil nga balor sa smuggled nga sigarilyo atol sa check point pasado alas 10 kagabii sa C.L. Ledesma Avenue, Brgy. 1, San Carlos City, Negros Occidental.
Giila sa kapolisan ang usa ka 45 anyos nga lalaki,minyo, negusyante ug residente sa Hope St. Brgy. 5, dakbayan San Carlos.
Sa pakighinabi sa Brigada News Team kang PMAJ. Ryan Villasario atol sa gipahigayong nga check point adunay sakyanan nga nakaparking ug sa pagpangayo sa driver ug drivers license napakyas kini sa pagpresentar.
Dugang pa nga gisusi nila ang sulod sa sakyanan apan nakita nila sa dayag nga paagi usa ka ream sa mga sigarilyo nga walay bisan usa nga mga dokumento nga gipresentar.
Narekober gikan sa 45 anyos ang upat ka kahon sa sigarilyo (New Berlin brand) nga adunay gibanabanang kantidad nga100,000.00 pesos.
Sa karon anaa na sa custodial facility sa San Carlos City Police Station ang 45 anyos nga lalaki alang sa tokmang disposisyon.