Makabaton na sa dili madugay sa kaugalingon buhatan sa Land Transportation Office ang unang distrito sa Bukidnon.
Kini homan nadawat sa Local Government Unit sa Manolo Fortich ang maayong balita gikan kang Senate Majority Leader Senator Miguel Zubiri nga niadtong Enero 31, 2022 gi aprobahan na sa Senado alang sa ika tulo og katapusang pagbasa ang sugyot balaodnon nga naghatag sa panugot og pundo aron sa pagtukod sa Land Transportation Office para sa Unang Distrito sa lalawigan sa Bukidnon og kini diha ipahimutang sa Manolo Fortich, Bukidnon.
Ang House Bill No. 3133 nga giuluhan “An Act Establishing the Land Transportation Office District Office in Manolo Fortich, Bukidnon and Appropriating Funds Therefor”.
Giduso ni Cong. Malou sa Kongreso human masuta nga angayan lamang makabaton ang DISTRITO UNO sa susamang Buhatan sa gobyerno nga makatabang og dako sa mga katawhan sa pag prosesso sa mga legal nga dokumento sa para sa transportasyon.
Sa kasamtangan, gipaabot na lamang nga mapermahan ni President Rodrigo R. Duterte ang maong balaodnon para sa implementasyon niini.-END-