Boluntaryo nga ginsungka ang 2 ka armas luthang sa magkatuhay nga banwa sang probinysa sang Capiz sang tinalikdan nga Enero 13 kag 14 sini nga tuig.
Ang wala ginhingadlan nga persona ang nagsungka isa unit sang homemade 12 gauge shotgun nga wala sang serial number kag bala sa mga katapo sang Panitan Municipal Police Station.
Samtang, ginsurrender naman sang isa ka persona ang isa unit sang long barrel 12-gauge homemade shotgun nga wala sang serial number, isa ka magazine, kag walo ka bala sa Dumarao Municipal Police Station.
Resulta ini sang mas ginpasangkad nga kampanya sang kapulisan nga Tokhang Kontra Armas Luthang ukon TKAL. Sa karon, yara na sa kostudiya sang mga otoridad ang mga armas luthang para sa nagakaigo nga disposisyon.| FJPreciosa