MITAHAN sa kapulisan sa Maasim, Sarangani Province ang duha katao nga gituohang miyembro sa New People’s Army (NPA).
Sa taho gikan sa Police Regional Office (PRO) 12 misurender ang duha sa Sitio Fofo, Barangay Kablacan, Maasim atong Domingo.
Gitago sa kapulisan ang tinuod nga ilhanan sa mga mitahan alang sumala pa sa ilang kaluwasan ug gipanganlan usa kining silang alyas “Rambo” ug “Blavo/Bravo, pulos nagpuyo sa Barangay Pananag, Maasim.
Ang duha ang miyembro sa grupo ilawom sa lider nga si “Dennis/Kalbo”, labaw sa NPA’s Sub-Regional Command (SRC)-Daguma of Far South Mindanao Region (FSMR).
Ang grupo matud pa ni Police Brig. Gen. Percival Augustus Placer, naglihok sa Barangay Ned, Lake Sebu, South Cotabato, Palimbang, and Kalamansig, sa Sultan Kudarat Province.
Gitahan sa duha ang .45 kalibre sa pusil, napulo ka bala, usa ka improvised 5.56mm single-shot pistol nga dunay lima ka bala. I Richel Gubalani