Narekober sa tropa sa 23rd Infantry (Masigasig) Battalion ubos sa pagdumala ni Lt. Col. Jeffrey P. Balingao, Commanding Officer ug CPP-NPA Terrorists ubos sa platoon 2, SRSDG SAGAY , SRC 3, NCMRC ang 3 ka mga high-powered firearms ug 2 ka patay nga New People’s Army ang gibilin sa iyang mga kauban atol sa nahitabong engkwentro sa area sa Sitio Calaitan, Brgy. Simbalan, Buenavista, Agusan del Norte niadtong Enero 16, 2024.
Sa impormasyon nga gihatag sa mga nagpakabana nga mga residente kalabot sa nahimutangan sa mga CNT, ang tropa sa 23IB, walay langan nga miresponde dayon aron mapugngan ang maong teroristang grupo sa pagpahigayon og mga pagpangilkil ug posibleng mga kapintasan sa maong dapit nga miresulta sa armadong engkwentro.
Milungtad og dul-an sa 10 minutos ang engkwentro, human niini misibat ang mga CNT sa managlahing direksiyon nga nagbilin ug duha (2) ka patay nga sakop sa CTG uban sa duha (2) ka M16 rifles, usa (1) ka cal .30 carbine ug personal nga mga butang ug mga subersibong dokumento.
Sa laing bahin, si Brigadier General Adonis Ariel G Orio, Commander sa 402nd (Stingers) Infantry Brigade, nitataw nga ang malampusong operasyon sa seguridad sa 23IB produkto sa hiniusang paningkamot sa tropa uban sa kanhing mga sakop sa NPA nga misurender na, kinsa padayon nga misurender paghatag ug importanteng impormasyon bahin sa gitagoan sa ilang kanhi kauban.
-END-