Ginkulong makarun sa Kalibo MPS ro sangka eaeaki ag babaye matapos raya nga madakpan nga nagsueod sa sangka baeay sa Brgy. New Buswang, Kalibo.
Sa interview it BRIGADA NEWS FM KALIBO sa complainant, nakibot imaw nga may sangka babaye ag eaeaki nga nakasueod sa andang baeay.
Naga sinangag segun ro baye ag nagahinambae nga imaw ro tag ana it baeay it complainant.
Ginsita segun it complainant ro mga raya ag nagpangayo it assistance sa mga tanod hasta sa na-hold ro daywa ag gindakop it mga pulis.
Samtang, hugot man nga nagpamalibad ro daywa nga may maeain sanda nga plano sa pagsueod sa baeay.
Ro eaki hay nagpakilaea nga sangka chef cook ag ginhatud eang segun nana ro baye sa nasambit nga baeay bangud igto segun raya nagaistar.
Samtang suno sa baye, imaw ro tag ana it nasambit nga baeay.
Sa makarun hay nagapadayun ro imbestigasyon sa daywa katawo. // ANN DESLENE SALAZAR