LEGAZPI CITY – Saro an binawian nin buhay sa aksidenteng imbwelto an motorskilo sa Purok 6, Brgy. Sogod, banwaan kan Bacacay, Albay kan disperas nin Bagong Taon.
Nagluluwas sa imbestigasyon na hali sa nasambit na barangay an motorsiklong minamanehar ni Kim Barbosa Bas, 19 anyos, pasisiring sa Brgy. Panarayon.
Kan makaantos sa lugar nin insidente, aksidente kaining nabangga sinda Joseph Calleja Bongon asin Henry Bermundo na naglalakaw man sana sa gilid kan tinampo sa mga oras na ito.
Huli sa impact kan pagkakabangga, pararehong sinda nagsapar nin mga tama sa manlain-laing parte kan hawak.
Tulos sindang idinalagan sa ospital para medical na tratamento, alagad nagadan si Bongon mantang pigbubulong.