LEGAZPI CITY – Arestado an duwang lalaki sa ikinondusir na drug buy-bust operation sa banwaan kan Guinobatan, Albay.
Basado sa report, naarestar an mga suspek kan pinagsarong esfuerso kan Guinobatan MPS asin iba pang unit, sa pakikipagtabangan sa PDEA Bicol makalihis kaining pabakalan an poseur buyer nin pigtutubudang “shabu”
Narekober sa operasyon an sampulong sadit na sachet kan nasambit na item na may timbang na poko mas omenos 3 gramo asin may pigkakalkulong kantidad na PHP21,760 kasabay an sarong PHP500 bill, asin PHP4,000 na buy-bust money.
Dinara sa hepatura kan pulisya an mga suspek kasabay an nakumpiskar na mga ebidensya para sa magkakanigong disposisyon.