LEGAZPI CITY – Duwang lalake an arestado sa magkasuway na drug buy-bust operation sa probinsya kan Albay.
Saro sa mga suspek, binistong si alyas “Marius”, 25 anyos, warang agom asin trabaho asin residente kan Purok-4, Brgy. 22-Binanuahan East.
Inarestar ini sa buy-bust operation na sinagibo kan pinagsarong esfuerso kan Legazpi City Police Station, PDEA Albay asin PDEA Legazpi City sa Purok 3, Barangay 29, Sabang, Legazpi City, kun sain nakumpiskar an sarong heat-sealed transparent plastic sachet nin pinagtutubudang “shabu”, genuine 500 pesos bill asin duwang pekeng P1,000 na buy-bust money.
Mientrastanto, arestado man an sarong alyas “Rolando”, 37 anyos, warang agom, waiter asin residente kan Purok 3, Barangay San Roque, Tabaco City sa operasyon sa Purok 1 kan nasambit na barangay.
Nakumpiskar digdi an duwang sadit asin sarong medium heat-sealed transparent plastic sachet nin pinagtutubudang “shabu”, P1,000 bill asin pekeng P1,000 bill na buy-bust money asin iba pang non-drug items.
Mientrastanto, an duwang suspek an nahahampang sa kasong pagbalgar sa Republic Act 9165 o Comprehensive Dangerous Drugs Act of 2002. | Brigada Intern FRANKLIN BANAYO