Nanawagan ang duha ka lalakinga tabangan sila sa pagpatambal ug operasyon sa ilang mga kinatawo human na-impeksyon sa giturok nga baby-oil.
Sumala pa ni alyas Adones, 20-anyos ug alyas Bobby 24-anyos nagnana na matud pa ang ilang mga pamato kung asa gangol-ngol kini ug gahubag hinungdan nga kinahanglan na kining operahan aron matanggal ang lana nga giturok kanila.
Dako matud pa ang pagmahay sa duruha human nagpadala sa galgal sa kauban nila sa trabaho nga giila lamang nilang si alyas Bungot sa usa ka construction sa Davao City.
Lakip usab ang mga kabanay sa duruha nagproblema sa naangkon sa mag-ig-agaw tungod sa kahinanglan na kining ipakonsulta kini sa doctor hinungdan nga nanawagan kini nga tabangan silang maayo sa gidala-dala nilang kalbaryo.
Gibutyag usab sa duruha nga dili lamang sila ang nabiktima ni alyas Bungot apan aduna pay unom ka kaubanan niini sa trabaho ang lakip na-ilad kung asa ang usa na operahan na.