2 patay, 23 samaran homan mibalintong ang Jeep sa Bukidnon

Gipahiluna na sa pamilya ug mitunol na sa tabang ang LGU o Local Government Unit sa Sambulawan, Laguindingan Misamis Oriental ang duha ka mga menor de edad nga nakabsan sa kinabuhi homan nadat-ugan sa nabanlintong nga Jeep sa Zone 5, Tianos, Barangay Kiliog, Libona Bukidnon.

Naila ang mga biktima nga sila si Joshua Catian ug si Jade Bungolto susamang 14 anyos samtang nagpa-alim sa balay tambalanan sa Cagayan de Oro ang 23 ka mga sakay nga pulos mga paryente lakip ang driver sa jeep.

Gibutyag ni Police Staff Sergeant Alan Sabal, imbestigador sa Libona Municipal Police Station nga sa dihang nabantayan sa driver sa jeep nga si Cornelio Danggoy Jr. nga mibuto na ang brake sa maong sakyanan, dali kini nagpahibalo sa iyang mga pasahero. 

Anaa matud pa sa 4th gear ang gimaneho nga jeep sa dihang nadisgrasya kini sa maong dalan hinungdan nga kusog ang pwersa sa pagka balintong niini.

Gibutyag sab nga naligid sa ikaduhang higayon ang sakyanan ug atol sa pagkaligid, posibling natagak ang duha ka batang lalaki nga anaa nakasakay sa front seat sa jeep hinungdan nga nabunal ug nadat-ugan kini jeep nga miresulta sa ilang hinanaling kamatayon.

Gikan ang maong jeep sa Barangay Laturan sa Libona tungod mitambong kini sa lubong sa ilang paryente ug mupa-uli na unta sa Barangay Sambulawan Laguindingan Misamis Oriental.