Dalawa ang patay sa banggaan ng isang trike at e-jeepney na byaheng Lucban sa Bypass Road sa bahagi ng Brgy. Ilayang Nangka, Tayabas City nitong Lunes, Mayo 10.
Ayon sa Pulis Tayabas, nangyari ang insidente dakong 6:50 ng gabi, batay sa tawag ng isang concerned citizen sa himpilan.
Kinilala ang mga nasawi na sina Arnold Reforsado Gonzales, 41 anyos, driver ng tricycle at residente ng Brgy. Mateuna Tayabas City; at ang sangkay nito na hindi pa nakikilala.
Nangyari ang salpukan sa bahagi ng narrow-road bridge sa Bypass Road, Brgy. Ilayang Nangka, Tayabas City.
Binabagtas ng Lucban Genesis Transport Modernized Public Utility Vehicle na minamaneho ni Ryan Enriquez, 39 anyos at residente ng Brgy. Ayuti Lucban, Quezon ang daan pa-Lucban habang sa direksyon naman patungong Lucena City ang trike nang aksidente silang magsalpukan sa isang makitid na tulay.
Naitakbo pa ng Tayabas City Disaster Risk Reduction and Management Office ang driver at sakay ng trike sa Quezon Medical Center ngunit idineklara ring dead on arrival.
Kasalukuyang nasa kustodiya ng Tayabas Police Station si Enriquez, na mahaharap sa mga kasong Reckless Imprudence Resulting to Homicide and Damage to Property. | Photo by BFP Tayabas City via Brian Zagala, BNFM Lucena
Ipinatawag ng Department of Foreign Affairs si Zhou Zhiyong mula sa embahada ng China sa…
Isinailalim na sa medical at booking procedure sina Deniece Cornejo at Simeon Raz - dalawa…
Wi-nelcome ng actor-host na si Vhong Navarro ang naging desisyon ng Taguig Regional Trial Court…
Kinondena ng Kabataan Partylist ang umano'y ilegal at marahas na pag-aresto sa mga kabataan na…
Kinilala ni Philippine Coast Guard District (PCG) NCR-CL Commander Arnaldo Lim ang mga personnel nito…
Naniniwala si Senate Minority Leader Koko Pimentel na karapatan din ng bansang magkaroon ng sarili…