LEGAZPI CITY – May duwang kumpirmadong kaso nin measles sa bilog na rehiyon kan Bicol segun sa Department of Health (DOH) Bicol.
Sinabi ni National Immunization Program (NIP) Medical Officer 3 Dra. Desiree Bricenio sa Brigada News FM Legazpi na igwa nin tigsaro sa mga probinsya kan Camarines Sur asin Masbate, alagad dai man pigsabi kun sain partikularmenteng munisipyo.
Segun saiya, nairehistro an nasambit na mga kaso antes paman magkondusir nin Supplemental Immunization Activity (SIA) an ahensya.
Maray n asana su boot na dai na nadugangan an mga kaso.
Mientrastanto, segun pa saiya, ini an rason kun nata mas pinakusog ninda an pagtudok sa mga aki sa paagi kan SIA.