NAKA-ISOLATE karon ang 20 ka mga piniriso sa Makar PNP human nga nagpositibo sa COVID-19
Sa kumpermasyon sa tigpamaba sa General Santos City Police Office kun GSCPO nga si PMajor Rissa Hernaez sumala niini nga sa 25 ka mga priso, 20 ang nagpositibo sa COVID-19 testing nga gihimo sa Barangay Labangal.
Tungod niini milobo ang mga kaso sa COVID-19 sa General Santos City kaniadtong Mayo 27 gumikan sa daghang detainees sa presento dos ang nagpositibo.
Sa kasamtangan kuyog nga na-isolate sa detention cell ang nagpositibo ug wala na gidala sa isolation facility sa barangay sa rason nga puno na.
Sa kasamtangan sarado ang gate sa Makar Police Station alang sa mga bisita gumikan sa COVID-19 ug walay mabyahe sa Lanton City Jail bisan kon may commitment order gumikan sa sitwasyon.
Gidugang ni Hernaez nga sa ilang bahin sa Fatima Police Station pasalamat siya kay wala pay kaso sa COVID-19, ang daan nila nga detention cell ang gihimong isolation facility alang niadtong mga priso nga may unsa mang sintomas. ( Ever Diazon)