200 operator sa jeep sa Cebu City mubalik na pag-biyahe

Mobalik na sa pagpa-biyahe sa ilang mga unit ang dili momenos 200 ka mga operator og jeep sa syudad sa Sugbo.

Kini human sila tuguti sa kagamhanan ubos sa Cebu City Balik Pasada Program.

Sigon sa nangu sa maong programa nga si Cebu City Councilor James Cuenco, kini sa tuyo nga matabangan ang mga drayber og jeep sa syudad nga mugaan ang panginabuhi human sa taudtaud nga pag-antus gumikan sa kadaut nga dala sa pandemic.    

Nasayran nga una niini, ang maong mga operator, nipaubos na sa re-orientation ug training may labut sa mga lagda sa panglawas ingun man sa trapiko, diin subay usab kini sa Executive order no. 102 diin namugna usab ang Balik Pasada Program sa syudad sa Sugbu.