LEGAZPI CITY – Haros nasa 200,000 na doses nin flu vaccine an inalokar kan Department of Health (DOH) Bicol para sa saindang libreng pagbakuna.
Ini an kinumpirmar ni Senior Program Health Officer Kristine Nolial sa Brigada News FM Legazpi.
Segun kay Nolial, ini an pigtao ninda sa gabos na probinsya sa bilog na rehiyon.
Pabagu-bago na kaya an panahon asin nasa flu season na kaya ibinusol ninda na magtao nin libreng flu vaccine.
Ini nganing makalikay sa mga kahelangan siring kan flu o trangkaso orog na an mga nasa vulnerable sector siring kan senior citizen asin su may mga comorbidities.
Sinabi pa ni Nolial, available an flu vaccines sa mga RHU, health center, asin an mga health workers, nagkokondusir man ki vaccination sa kada barangay.