NAKAKOLEKTA ang LGU Gensan og P296-M sa bag-uhay lang nahuman nga lugway sa renewal period sa Business Permits.
Sumala sa bag-ong labaw sa Business Permits and Licenses Division nga si Christian Mark Abarquez nga nalipay siya gumikan ilang nalabwan ang record sa 2023 gikan sa 10,600 nahimo na karon nga 10,759 ug kung ilakip ang tanang nagpa-assess mukabat na sa 11,284.
Samtang sumala kang City Treasurer Zenaida Eturma nga ang nakoletka gikan sa Business Taxes and Fees mikabat sa P296.7-Million tandi sa 2023 nga anaa sa P261.2-M dugang pa niini nga ang nakolekta nga buhis gamiton sa mga proyekto sama sa kanal, kalsada, hinabang ug uban pa.
Samtang gihingusgan ni Abarquez nga magmugna na sila og inspection sa mga wala nakalukat og permit ug mag isyu og Notice of Violation sa mga may 30-diyas nga lugway sa paglukat og permit. I Ver Diazon