Gintagan hin bag-o nga mga ambulance han Department of Health Eastern Visayas, an 21 nga mga Local Government Unit ha rehiyon, agud mabuiligan mapadagmit an pagdara han mga pasyente ha Eastern Visayas Medical Center.
Sumala kan DOH-8 Regional Director Exuperia Sababerino, an mga nasabi nga ambulances pinondohan pinaagi han 2023 Facility Enhancement Program han DOH, kun diin ang mga LGU nga kumarawad hini amo an, Sogod ngan Liloan Southern, Leyte, Bato, Mahaplag, Merida, Villaba ha probinsiya han Leyte, Biliran District Hospital, Maripipi, Cabucgayan ngan LGU Naval, ha probinsya han Biliran,
Samtang, ha Samar nga area anman, Lawaan , Dolores , Salcedo, ha probinysa han Eastern Samar, Catbalogan , Samar Provincial Hospital, Calbayog District Hospital ha probinsya han Samar, ngan Allen, Lavezares, Lope de Vega, Gamay ha Northern Samar.
Dugang pa ni Director Sabalberino ,70 ngatanan an mga ambulances ha gin-alutagar para ha rehiyun, kun diin dida han nakalalabay nga Marso nauna na nga gin hata 25 ha iba nga LGU, ngan nakatalaan naman ighatag an 3rd batch yana nga bulan//Jason Delmonte