BALHOG sa selda sa tambler police station ang usa ka ulitawo human masikop sa illegal drug buy bust operation sa purok Wal, Barangay Tambler, Gensan alas sais sa buntag, Enero 8.
Giila sa kapulisan ang dinakpan nga si Gerald Goroy sabili alyas Ace, 24-anyos, walay trabaho ug residente sa Cotabato city apan temporaryong nagtinir sa purok Wal, barangay Tambler ning syudad.
Napalitan sa kapulisan ang suspek og usa ka putos sa gituohang shabu ug laing usa pa ka pakete ang narekober sa iyahang posisyon. Gibana-banaang mokabat sa kantidad nga P3,5000 ang nakompiskang shabu sa suspek.
Lakip naimbargo kaniya ang mga illegal drug paraphernalia ug P500 pesos nga buy bust money ug kwarta. Gikonsidera sa kapulisan ang dinakpan nga street level individual tungod sa pagkalambigit niini sa iligal nga aktibidad. Takda na sab kining pasakaan sa kapulisan og kaso nga paglapas sa Republic Act 9165 kon Comprehensive Dangerous Drugs Act of 2002. I Enamie Mogpon