Gilaumang mahatag na sunod bulan ang bag-ong mag balay ngadto sa 240 ka pamilya nga nahimong biktima sa nahitabong linog niadtong 2019.
Kini human gikatakda nang iaward ang gatusan ka housing units nga gitukod sa gobyerno pinaagi sa National Housing Authority aron dunay bag-ong kapuy-an ang mga biktima gikan sa lima ka purok sa Brgy. Tagaytay sa Magsaysay Davao del Sur.
Niadtong Martes sab gipahigayon ang raffle aron masayran kung diin nga housing units ang makuha sa matag pamilyang benipisyaryo.
Sumala kang Rhesty Camasura, ang labaw sa MSWDO- Magysaysay nga duna pay 18 ka pamilya ang nahabilin nag wala naapil sa unang hugna sa housing units apan gisiguro nga duna pa gihapon silay makuha nga housing sanglit dunay luna og pondo nga gitagana alang kanila.
Takdang iaward ang maong housing units karong umaabot Mayo 7, 2021.